Күзгі демалыстың алғашқы күні кітапханаға барудан басталды. Мұндағы қызықты, жаңа әрі түрлі - түсті кітаптардың көптігі бірден таңғалдырды! Сөрелерде комикстер, қорқынышты оқиғалар, сүйікті мультфильмдер мен тіпті ойындар желісі бойынша жазылған кітаптар да бар екен. Бірге кітап оқу өте қызықты болды - уақыттың қалай өткенін де байқамай қалдық.
Ал кітапханадан кейін бізді нағыз күзгі тосынсый күтіп тұрды - күміс түсті теректің түбіне жұмсақ жапырақ кілемі жайылыпты. Бүгінгідей әсем де жарқын жапырақтар төгілуін қаламызда бұрыннан көрмеген едік! Біз бұған бейжай қарай алмадық та, алтын түсті жапырақтардың арасында көңілді ойындар ойнадық.
Осылайша біздің күзгі демалысымыз кітаптардан, күлкіден және табиғаттың сұлулығынан басталды.